قاعد بضرب الشاى بلبن و بجهز موضوع عن الكيس الزلاى لسباحين المونو هوب الاقى مسدج جيالى بتقولى ممكن تتكلم عن التعب بتاع التدريب و ازاى نعرف التدريب زيادة او لا هوب افتكرت شكل العيال المفرهدين فى البطولة ولاد صغننة شايلين هموم جبال كان عندهم 60 سنه فقولت دا وقتو و عارف ان الموضوع هيزعل مدربين كتير لاكن مبدهاش بقا
ما هو التدريب الزائد ؟ ببسطاطة هو فشل فى التكيف بينتج عنه خلل فى الجهاز العصبى و المناعى و تراجع اداء السباح . واحد هيقولى مفهمتش حاجه بص يا سيدى التدريب بيتكون من 3 مكونات الشدة و الحجم و فترات الراحة البينية الشدة و دى بتعبر عن صعوبة التتدريب و الحجم بتعبر عندنا فى السباحة عن عدد الكيلو مترات الى عامها الولد و الراحة دا الى بياخدها بين المجموعات فاهم لحد دلوقتى ركز بقا معايا فى الى جاى اى فشل بين ال3 مكونات دول بيخرب الدنيا يعنى لو زودت الشدة و قللت الراحة الدنيا تبوظ لو زودت الحجم و عليت الشدة الدنيا تبوظ طب لو كلو كويس و كلو متظبط و التغذية مش مظبوطة دا يبوظ التكيف طيب لو كل دا مظبوط و الراحة فى البيت مش مظبوطة الدنيا تبوظ لو السباح بيستخدم الموبيل او الاجهزة الالكترونية كتير او بيسهر الدنيا تبوظ لو السباح فى الجيم بيشيل اوزان كبيرة اكبر من طاقتة او بيعوم وحدات كبيرة او بيتفزلك و يعوم من ورا مدربو عشان يحسن اكتر الدنيا تبوظ . بختصار عشان تتلافى الحالة دى يجب العمل بحرفية بين مدرب المية و الفتنس و الاهل فى البيت و السباح و العمل كمنظومة متكاملة
علامات التدريب الزائد اية ؟
التعب المستمر حتى فى وقت الراحة عدم القدرة على تحقيق ارقامك فى السباحة الارق و صعوبة الدخول فى النوم الاصابة المستمرة بالامراض و نزلات البرد و الاصابات تقلب المزاج و سرعة الغضب و البكاء عدم القدرة على اداء الواجبات الدراسية العدوانية
يا ترى فى اختبارات بتبين ان ابنى تعرض لتدريب زايد ؟ اه يا كباتن فى نوعين من الاختبارات اختبارات سهل اى حد يعملها و اختبارت بتتعمل فى المعمل . نبدا بالاول فى عالم فنلندي اسمو روسكو (Rusko ( عمل اختباراً بسيطاً للكشف عن بداية ظهور أعـراض فرط التدريب عن طريق النبض ركز عشان اقولك هنعمل الاختبار ازاى : *هنام على ضهرنا لمدة 10 دقائق و نقيس النبض . * بعد انتهاء ال10 دقائق هيقف السباح و يقيس النبض بعد 15 ثانيه و بعد 90 و بعد 120 ثانية و هنسجل ال 3 ارقام . هنعمل الكلام دا يوميا لو النبض زاد عن 10 نبضات فى ال القياسات دى يدق ناقوس الخطر ,,,,,,,,,,,,,
طبعا الكورتيزول بيكون عالى ونـورإبينفرين بيكون عالى التستيرون بيكون قليل كل دا بيتعملو قياسات معملية و الدكتور مع اخصائى فسيولوجيا الرياضة هم الى بيقول فعلا اذا كان في over training او لا
**جميع حقوق النشر محفوظة لنا فقط و غير مسموح بالنسخ و الا ستعرض نفسك للمساءلة
مرض مزمن بتعانى منو الرياضة و الرياضيين فى مصر يمكن احد اهم أسباب فشل صناعة البطل فى مصر خلينا نقول بي انك عشان تعمل بطل دا بيحتاج انك تقضى شهور و سنين متوسطها ١٢ سنة يعنى ١٤٤ شهر يعنى ٦٢٤ اسبوع و ٤٣٢٠ يوم 13,140 ساعة حسب نوع النشاط التخصصي الانقطاع لمدة ٣ شهور للاعبي المستويات العليا بتفقد الاعب ٥٠٪ من القدرة الهوائية الانقطاع لمدة ٨ أسابيع للاعبى المستويات المنخفضة يفقد الاعب كل مميزات اللياقة الاكسوجينية طيب المشكلة دى فى مصر مين يجروء و يقول انتا عندنا مشكلة الانقطاع عن التدريب ههه عدو كدا معايا ١- اول الدراسة بنظبط الدرس ٢-امتحانات الميد ترم و قبلها ٣- امتحانات نص السنة و قبلها ٤- اجازة نص السنة و ضغط مذاكرة الولاد فى الدكتوراة بتاعت سنة ٣ و ٦ و ٣ إعدادى و ٣ سنين ثانوي ٥- هنرجع تانى نظبط الدروس طبعا فلازم انقطاع ٦ - ميد ترم تانى و قبلو ٧ - اخر السنة ولازم نعوض الترم الاول و بابا الولاد هيطلقنى او مامة الولاد مش مقتنعة بالتمرين و عايزاهم يركزو فى المذاكرة ٨ - و اخر اجازة ودى بتبقى مركبة يعنى شوية المصيف المقدس ودا مبيقلش عن اسبوع و بيوصل ل ٣ شهور احيانا
مش هكلمو عن عيد كبير و عيد صغير و رمضان و العزومات و عيد القيامة و ما الى ذلك من أعياد دينية الى لو قولتلكو الولاد تتمرن فيها هتتهمونى بالزندقة و أنى واحد من الخوارج الى بيتمرنو و بيمرنو فى المناسبات الدينية
طيب نكلم بشكل علمى اية التغيرات الفسيولوجية الى بتحصل للجسم نتيجة الانقطاع عن التدريب.
تغيرات بتحصل الدم : •نقصان حجم بلازما الدم •نقصان الكرات الحمراء •نقصان عدد الصفائح الدموية • نقصان فى حجم الدم ككل
تغيرات بتحصل للقلب : • نقصان حجم القلب بعد حدوث ظاهرة التضخم الصحى الى بيقولو عليها ظاهرة القلب الرياضى •نقصان حجم الضربة فى الراحة • زيادة عدد نبضات القلب تغيرات بتحصل للرئتين : •نقصان الحجم الرئوى • زيادة معدل التنفس الى هو عدد مرات التنفس فى الدقيقة • نقصان ال vo2max
تغيرات بتحصل للأوعية الدموية : •انخفاض درجة المطاطية • ارتفاع الضغط الشرياني تغيرات بتحصل للعضلات و العظام : • كثافة العضم بتقل بعد ما كانت اتحسنت • انتكاس الحجم العضلى
بعد كل الغياب و التأثيرات السلبية الى بتساهمو أنها تحصل للاعب تيجو ترمو اللوم على اللعيب و المدرب و تقول ابنى مبقاش بطل لية او انا عايز ابنى يعلق ميدالية بقا او بقالى ٧ سنين شغال و انتا واخد نصهم إجازات يا ترى هتغيرو ثقافتكو ؟ ياترى يا أندية و يا مدربين هتدو اللعيبة اجازة طويلة بعد البطولات و تهدو الى بتعملوة طول الموسم ولا هتتبعو التطور طويل المدى لصناعة الابطال سؤال يحتاج لإجابة
حبيبنا الى بيسرقونى من فضلك شير المقال فقط لانى اخدت وقت كبير دراسة و تلخيص و شكرًا
اخيرا أحب اقولكو شيرو و علمو الناس و هاتو ناس تشير و لو عزت تسال كرمش خمسة جنية فى الانبوكس و هنرد عليك 😂😂
بما اننا فى ايام الشتا و ديما بيكون
تمرين السباحة اما الفجر او بليل و دا بيعرض السباحين احيانا لخطرين البرد او
الانفلونزا خلينا نعرف ازاى كسباحين نقدر نتصدى للبرد و الانفلونزا بكل شراسة
اعرف عدوك (أيه هوا البرد و اية هى
الانفلونزا ) ؟
اولا الاتنين بيصيبو الجهاز التنفسى البرد
الاتنين بيتنقلو للسباحين عن طريق العين و الانف و الفم تخيل ان لوحد عطس دا معناه
انو نشر كم كبير من الرزار الى بيحتوى على نص مليون فيرس و الرقم المرعب و دا
معناة مثلا لو سباح ركن على طرف البيسين و عطس الفيرس اتنشر على بوردات زمايلو و
ادواتهم و على الكراسى القريبه من البيسين و ان الفرد دا هيعدى شوية كمان و الشوية
دول هيعدو شوية ........
نزلات البرد بقا بيتسبب فيه 100 نوع من
الفيروسات اما الانفلونزا بيسببها 3 انواع مجتهدين بيغيرو من شكلهم عشان يقدرو
يهاجمو جسمك
اعراض البرد :
1-الرشح او انسداد الانف
2-العطس
3-التهاب الحلق او احتقان الانف
4-نزول الدموع من العين
لكن اعراض الانفلونزا :
1-تشنجات و الام فى العضلات
2-الارهاق و التعب
3-السعال
4-التعرق
5-الصداع
6-ارتفاع درجات الحرارة
فى البرد و الانفلونزا كل ما اكتشفت الاعراض
بدرى و بدات تاخد الدوا كل ما قدرت تتغلب على المرض اسرع
نصايح لازم تتبعها عشام تتلافى البرد
1-خلى اكلك صح
2-نام كويس و فترة كويسة عشان النوم لقترة قليلة و السهر
بيضعف المناعه
3-اغسل ايدك ديما و لمدة 20 ل 30 ثانيه و افرك ايدك كويس
4-بلاش البوس و الاحضان و التلزيق دا عشان دا احد اهم
الاسباب ان الانفلونزا تتنقل
5-البس لبس ملائم بلاش فتحة الصدر و لبس النص كم فى الشتا
تحت شعار انا سباح يا عم و بننزل المية فى التلج بمايوة سبعه من فضلك التزم بجاكيت
كويس يدفيك
يا ترى فى اكل ممكن يساعدك على مواجهة
الانفلونزا ؟
ورقة و قلم يا ست الكل و اكتبى ورايا بصوت
الشيف الشربينى
1-الثوم:
الأليسين هو المادة الفعالة في الثوم و
التي تمتلك خصائص مضادة للفيروسات و البكتريا و أثبتت بعض الدراسات فاعلية مكملات
الثوم الغذائية في التغلب على نزلات البرد و الوقاية منها و لكنهم في حاجة للمزيد
من الأبحاث لإثبات ذلك
2- البيتا جلوكان :
المركب دا موجود في الخميرة و عيش الغراب و
الشوفان و دى بتساعد على تحفيز انتاج خلايا الدم البيضة و للعلم لو تناول السباح
900 ملى جرام من المدة دى هيقل نسبة تعرضة للبرد بنسبة 90%
3- فيتامين D :
25 ميكرو جرام من فيتامين د المسمى بفيتامين
الشمس هيقلل طبعا نسبة الاصابة
بالانفلونزا
4-الزنك :
خد الاطعمه الغنية بالزنك او الزنك فى صورة
مكمل اول ما تحس باعراض البرد لان الزنك بيقوى المناعه و داه يكون داعم لمناعتك
انها تتصدى للانفلونزا
5-الدهون الغير مشبعه :
زى الى موجودة فى زيت الزتون و زيت كبد الحوت
و المكسرات و غيرهم مهمين جدا فى حالات الوقاية من نزلات البرد و علاج الالتهابات
6-الشاى الاخضر : مضاد اكسدة قوى و لية خواص
مضادة للفيرس و البكتري
7-عسل النحل:
يتمتع بفعالية فى علاج الكحة، ونصحت إحدى الأبحاث بتناول نصف ملعقة صغيرة من العسل
قبل النوم لعلاج التهاب الحلق والتهاب الجيوب الأنفية، الذى يصيب السباحين .
لو لبست فى برد او انفلونزا اوعى تروح التمرين و انتا تعبان
لانك اولا هتعدى زميلك ثانيا حضرتك هتعوم و دا هيضعف جهازك المناعى و دا طبعا
هيخليك تتاثر اقوى بالمرض و تضطر اسفا انك تنام فى البيت منهك القوى و بدل ما تاخد
اجازة يومين ممكن الموضوع يطول لاسبوعين او اكتر خلى بالك يا وحش منك لية فى حاله
الاصابة بالبرد او الانفلونزا نام فى البيت و استريح و خد سوايل دافية كتير و اعرض نفسك على طبيب بسرعه عشان تقدر تتعالج من بدرى
مهم جداااا ولازم تاخد بالك منو :
اول لما تقرب من ال peak او بالعربى الفورمة بتاعت المنافسات لازم تبقا
عارف كويس جدا جدا ان كل ما ارتفع مستواك التدريبى كل ما انخفضت مناعتك فلازم
تحافظ كويس جدا على نفسك فى فترة قبل المنافسة و المنافسة بالذاتلو لاقدر الله اصيبت بالبرد المادة الوحيدة
المسموح تناولها دون التعرض لعقوبات من لجنة المنشطات هى الباراساتامول فقط و اى
دوا فى could&flo هيعرضك بنسبة 90% للوقف من قبل لجنة مكافحة
المنشطات فخلى بالك لان الوقف مش هيقل عن سنة ل 3 سنوات خلى بالك معظم الاطباء ميعرفوش المعلومة دى .
ربنا يحفظ كل السباحين ولادنا و يرزقهم تمام
الصحة و العافية متنساش تشترك فى الصفحة عشان يوصلك كل جديد و متنساش تقرا بقيت
مقالات التغذية و خلى كل زميلك الى انتا خايف عليهم يقرو الموضوع و بص على باقى
مواضيعنا
كنا فى اسكندرية عشان بطولة السباحة بالزعانف و طبعا اول يوم بالنسبالى كان صادم جدا الكلور كان ريحتو باينة جدا السباحين و قفة بتكح الولاد جاية تشتكى من ان جلدها بيحرقها و ضروسها وجعاها من الكلور اتجرئت و روحت ناحية البيسين و كعادة اى حد لية علاقة بالسباحة لما بنحط المية على لسانا بنعرف النسب بتاعت المعالجة مظبوطة ولا بلح المشكلة ان فعلا الكلور كان مرعب مش عالى الكارثة الى جت فى دماغى ان المشكلة مش فى الكلور المشكله فى البول و فجاة يقف الزمن حرفيا و افكر ازاى اقول للناس اخطار البول و انا متاكد ان كتير جدا من السباحين بيعملو بيبي فى البيسين و هنا فكرت اعملكو الموضوع بتاع النهردا و اطلب منكو انكو تنشرو و ننقذ الناس من الخطر الكبير دا طبعا ناس كتير مش هتصدق ان الناس بتعمل بيبي فى البيسين و عشان كدا حبيت اقولكو ان فى دراسة اتعملت فى امريكا لقو ان واحد من كل 5 امريكين بيتبول فى البيسين يعنى تقريبا 20% من الى نزلوا لبيسين ربنا كرمهم و طرطشو فية سامعك يلى يتقولى دا لعامة الشعب مش للسباحين و هنا هصدمك ان الاسطورى مايكل فيلبس اعترف انو بيتبول فى البيسين عادى و قال ان معظم ابطال العالم كمان بيعملوها و شايفين ان دا مش بيمثل خطر عليهم و انو شئ بسيط و مش محتاج اى تعقيد طبعا مش هتكلم عن ناس سمعتها بودنى يتقول لولادها يبنى متخلص نفسك ايوووون حصل و بيحصل تعالو طيب نشوف العلم اية رئيه وفى الموضوع دا ؟ قام فريق من العلماء بخلط الكلور مع حمض اليوريك المتواجد في العرق والبول المتواجد في كل واحد منا.فتشكل. بعد ساعة مركبان معروفان بسميتهما: ثلاثي الكلورامين ( NCl3 ) و كلوريد السيانوجين ( CNCl ) . المادة الاولى يا شباب مرتبط بالاضطرابات الرئوية الحادة و مهيج شديد الفاعلية للعين مصدوم صح لا تماسك كدا و خليك شديد المادة التانية بقا يا وحوش بتاثر بشكل كبير على القلب و الرئتين و الجهاز العصبى و مادة شديدة السمية حد هيسالنى لية بنظلم الناس و نقول بول مش عارف و هنا هقولك يا معلم ان 90% من اليورن الى كان في عينة من حمام السباحة كان خارج من المثانة الكارئه الاكبر ان في كل الدراسات لقو ان الخطر الاكبر في حمامات السباحة الصغيرة بتاعت الاطفال عشان تركيز البول فيها بيكون مرتفع جدا هنا بقا لازم اقولكو علمو ولادكو يطلبو الحمام من المدرب او يطلع على الحمام لو بيلعب في البيسين محدش يستسهل و يلبس نفسو و الناس من فضلك اعمل شيررررررررررررر لاننا كمان كام يوم هنلبس في بطولة السباحة الكلاسك و هنلاقى الاف من المتبولين في حمام سباحة استاد القاهرة لو عندك حد من اصحابك بيعمل بيبي فى البيسين من فضلك اعملو تاج و قولو كفاية هنموت بسببك
تقنية
العلاج بالاوزون اكتشفت زمان اوى ايام الحرب العالمية الاولى لما نقل الجنود
الالمان المصابين للمرتفعات في جبال الالب و لقو ان اغلب حالات مصابى الحرب بيتحسن
صحتهم في المرتفعات الالمان كعادتهم معدوش الموضوع بالساهل و بدات الدراسات عشان
يعرفو لية المصابين حالتهم بتتحسن في المرتفعاتو اكتشفو ان في نسبة عالية من الاوزون في مياه الامطار في المرتفعات و لقو
ان حتا حالات الغرغرينا العالية من الجنود و الامراض المعدية الى كانو بيجيبوهم
المرتفعات خوفا على باقى زمايلهم من العدوى بنسبة كبيرة بتشفى و ابدعالالمان في دراسة الاوزن .
اية هوا
الاوزون ؟
الاوزون
غاز ازرق اللون باهت بيتكون ذراتة من 3 ذرات اكسجين نشطة ممكن ذوبانه في المياة و
لية ريحة مميزة جدا في الطبيعة بيتكون نتيجة 3 حجات الاشعه فوق البنفسجية و كمان
البرق و كمان بيتكونمن حركة الامواج على الشواطى .
اول جهاز
اتعمل يولد الاوزون الى اخترعو العالم سيمنز( اى حد لطيف هيقولى بتاع الموبيلات
السيمنز هقولو اه دى واحدة من شركاته الالكترونية )ودا الى خلى 12 الف طبيب المانى بيستخدموة
استخداماتة
في الرياضة :
تحسين
قدرة خلايا الدم الحمرا و تحسين الدورة الدموية
علاج
الكتير من الاصابات و الى بيتعرض ليها الرياضيين بالذات المستويات العليا
علاج
التقلصات العضلية
المساعده
على التخلص من الذرات الحرة الاكسجينية و الى بتعتبر احد اقوى اعداء الرياضيين
علاج بعض
حالات الربو و الحساسية الصدرية لسباحى المسافات الطويلة و لاعبى التجديف و لاعبى
المراثونات و الترياثلون
المساعده
في الاستشفاء العضلى و الاسترخاء
تنقية
مياه حمامات السباحة و بالذات الى بينزل فيها الاطفال عشان يتخلصو من تقنية تنقية
المياة بالكلور و دا لان الاوزون بيقتل البكتريا و الفطريات عكس الكلور
في الاخر
لازم اقولك ان الاوزون يعتبر شئ مساعد لكنه ليس الاقوى و الاهم لانه مازال قيد
الدراسة من زمان لكن لاتوجد ابحاث نهائية و قاطعه بتاكد اهمية الاوزون و كلها
ابحاث فردية و على عدد صغير لكن في ناس تنفخ في الاوزون لدرجة انهم بيقولو انو
علاج لاى داء اعتقد انه بالنسبالنا في الرياضة كويس لكن يحتاج لمزيد من الابحاث
العلمية
ازاى
الرياضيين بياخدو الاوزون ؟
اول طريقة سحب من 100 ل 150 سم دم و بيضافلو اكسجين و يرجع يرجعوة
تانى ( بيعتبروها منشطاط دموية بيستخدمها من زمان لاعبى المراثونات و الدراجات و
حتى اكتر من سباح مراثونات )
التانى تيوب صغير بيستخدم للحثن الشرجى و بيتم امتصاصة للدمو دى الطريقة الى استخدمتها ملكة انجلترا
و اكتر من منتخب مصر استخدمو الطريقة دى و انا على معرفة شخصية بافراد
من المنتخبات دى و هم اصدقاء لى
الطريقة التالتة بيقولو عليا ساونا البخار لكن دا من صح هيا حمام بخار
الاوزون لان الجسم كلو بيكون في بخار الاوزون و الراس فقط هى الى برا الجهاز
الشكل الرابع الحقن تحت الجلد بالاوزون
متنسوش تعملو لايك و شير عشان احنا موجودين بدعمكمو استنونا المرة الجاية في مواضيع جديدة
اول مرة سمعت الكلام دا كان سنه ٢٠٠٧ من دكتورى القدير عبد العزيز النمر كان راجع من مؤتمر فى المانيا و قعد يشرحهولنا فى المحاضرة بعد ١١ سنه بقوله شكرا لمن علمنى الكثر وليس مجرد حرف استنو فلوج الاوزون موضوع شائك و مهم جدا اشتركو فى الموقع و القناه عشان يجيلكو كل جديد عن عالم الرياضات المائيه و عشان هنكمل بدعمكم دمتم سالمين
فى يوم من ذوات الايام كنت بدرس دبلومة فيها جزء عن ملابس التدريب قعدت اذاكر الكوتشى بتاع التدريب حوالى 9 ساعات و هوب تانى يوم بفتح المقرر الاقى حمالة الصدر الرياضية طبعا وشى احمر و اصفر و اتكسفت جدا لكن لما قريت و ذاكرت عرفت ان الكلام دا مش مجرد منظرة فارغة على العكس تماما ان مجرد صدرية تدريب ممكن تتحول لنقمة على بنوتةممارسة الرياضة مع حمالة صدر رياضية جيدة التجهيز لا تقل أهمية عن اختيار النوع الصحيح من المدربين ونوع التدريب
خلونا نقول هنتكلم عن اية فى الموضوع دا :
·مكونات الثدى لدى المراة
·تاريخ الحمالات الصدريه و اصل تسمية الستيان
·انواع الحمالات الصدرية بشكل عام
·اجزاء الحمالة الصدرية
·اضرار عدم ارتداء الحمالات الصدريه الرياضية
·اختيار المقاس المناسب للحمالة الصدريه
مكونات الثدى :
الثدي موقعة فوق العضلتينالصدريه الكبرىوالمنشارية الأمامية. يحتوي عند الأنثى البالغة علىغدد ثدييهكانت غدد عرقيةوتحوّرت بعد البلوغ لتنتج الحليب. تتعلّق الغدد بالعضلتين، بواسطة طبقة من النسيج الضام الكثيف تُسمّىأربطة كُوْ‘پر ما يحدد حجم الثدي فهو كميةالدهون حول غدد الحليب، وليس حجم الغدد. اما المنطقة الملوّنة الواقعة حول الحلمة فتُعرَف باسمالهالةويتراوح لونُها من الزهري إلى البني الغامق.
تاريخ الحمالات الصدرية و اصل كلمة الستيان :
*عند الإغريق، ارتدت النساء ما يغطي الصدور أو يشدها
*عند الرومان اشترط على المشاركات بالألعاب الرياضية ارتداء ما يشد ويخفي الصدور لسهولة ممارسة الرياضة وتشبهاً بالرجال من حيث البنية الجسمية.
في عام 1899 سجل الألماني Christine Hardفى مدينة دريسدن الألمانية أول براءة اختراع لحمالة صدر للنساء وأخترعت الحماله الصدرية في أواخر القرن التاسع عشر ليحل محل اللباس المنتشر ان ذاك و هو الكورسية الذى يغطى الصدر و البطن معا .
في الأعوام التالية وحتى عام 1913 بقيت حمالات الصدر اختراع ألماني وتطورت صناعتها في ألمانيا باستخدام آلات خياطة لأول مرة بدلاً من الخياطة اليدوية، وبقيت ألمانيا المصنّع الوحيد لها.
انتشرت حمالات الصدر بشكل واسع وسريع في أوروبا ومن ثم الولايات المتحدة الأمريكية.
في العام 1914 سُجلت أولى براءات الاختراع والتطوير لحمالات الصدر في الولايات المتحدة الأمريكية، ليبدأ انتاجها هناك أيضاً.
التسمية العامية "الستيان" جاءت من اللغة الفرنسية soutien-gorge، حيث أن كلمة soutien تعني الدعم وكلمة gorge منطقة الحلق أو الحنجرة، وسبب استخدام هذه الكلمة عوضاً من كلمة الثدي هو كون كلمة الثدي غير مهذبة للاستخدام ضمن الطبقات الراقية الفرنسية. اقترحت التسمية في عام 1899 من قبل Herminie Cadolle وذلك وفقاً لرواية القاموس التاريخي للغة الفرنسية لمؤلفته ألان راي، في طبعته لعام 1999.
انواع الحمالات الصدرية :
حمالة الصدر ذاتية اللصق أو الحمالة السيليكون Adhesive Bra
حمالة الصدر للعروس / الكورسيه Bridal Bra
حمالة الصدر "T-shirt Bra"
حمالة الصدر شكل حرف U
حمالة الصدر "Bandeau Bra"
حمالة الصدر المدمجة "Built-in Bra"
حمالة الصدر بخاصية الإغلاق من الأمام"Front Closure Bra"
حمالة الصدر الداعمة كليًا " Full Support Bra"
حمالة الصدر للحوامل "Maternity Bra"
حمالة الصدر للرضاعة Nursing Bra
حمالة الصدر المصغرة " Minimizer Bra"
حمالة الصدر المبطنة "Padded Bra"
حمالة الصدر للرفع (البوش اب) "Push-up Bra"
-حمالة الصدر نصف الداعمة "Softcup Bra" ( للمنزل لان في خلط بينها و بين الرياضية )
حمالة الصدر الرياضية "Sport Bra" ودى الى هنتكلم عنها بشكل مفصل و دقيق جداااااا
حمالة الصدر دون حمالات "Strapless Bra"
لو محتاجة تعرفى شكل و استخدام اى واحدة فيهم هتعملى سيرش باسمها على جوجل و من الممكن اننا نحطلكم صورها لو تحبو
حمالة الصدرالرياضية :
ودا اهم جزء فى الموضوع لية حمالة صدر رياضية كتير من الناس بتخلط بين السوفت كب و بين الحمالة الرياضية تشير البحوث إلى أن معظم النساء ربما أكثر من 70% يرتدين الحجم الخاطئ من حمالة الصدر و أن 32% من العداءات يعانون من ألام في الثدي أثناء الركض، وهذا قد يؤدي إلى وعدم الراحة والترهل فى الثدى و الترهل دا يا انسات لا رجعه فىه كمان الام مبرحة فى الضهر و الرقبة قد تطور الى انحناء و تشوهات بالعمود الفقرى و هتلاحظو كتير من البنات عندها اتب دا ممكن يكون احد اسبابة حمالة الصدر الخاطئة
تتراوح حركة ثدي المرأة أثناء ممارسة الرياضة من 4 سم أثناء المشي لتصل إلى 15 سم تقريبا عند الجري السريع، وقد وجد الباحثون أن هذه الحركة متعددة الاتجاهات يمكن أن تسبب ألم الثدي، وفقا لبحث من جامعة بورتسموث.
*الدعم المنخفض Low impact: لممارسة مجموعة من الانشطة مثل المشى و اليوجا و تمرينات الجيم..........
*الدعم المتوسط Medium impact : لممارسة الجرى الخفيف و ركوب الدراجات ........
*الدعم العالى High impact : لممارسة الجرى و الايروبك و تمرينات العنيفة و الدراجات الجبيلية......
من المهم ديما اختيار نوع الحماله مع نوع النشاط الرياضى الى هيمارس و بالتالى من المهم الاختفاظ باكتر من نوع من انواع حمالات الصدر
مكونات الحمالة الصدريه :
1-الاستك السفلي ودا لية مواصفات خاصة ولا ينفع يكون واسع فميبقاش مناسب و غير داعم و لاينفع يكون ديق لدرجة انه يعيق التنفس و يساعد في التهابات الجلد نتيجة الضغط عالى و الاحتكاك القوى .
2- الكأس يجب أن يكون الثدي ملاصقا للكأس بحيث لا تظهر أي كتل لحمية نتيجة ضيق الكأس أو لا يوجد فراغ بين الكأس والثدي فيظهر بمظهر مشوة .
3- احزمة الكتف يجب تعديل أجزمة الكتف لتوفير الدعم المريح للثدي من دون أن تكون ضيقة جدا، بحيث تسبب آثارا على الجلد، وينبغي أن يأتي الدعم الرئيسي للثدي من شريط ثابت، وليس أشرطة الكتف الضيقةتساعد على توفير قوة مناسبة تكافئ الجذب الناتج من وزن الصدر من الجهة الأمامية..
اختيار المقاس المناسب :
أنواع حمالات الصدر الرياضية :
حمالة الصدر الضاغطهCompression bras:
مناسبه لمقاس الكوبA+B و ليها نوعين
الاولScoop-backتتناسب مع الدعم المنخفض و المتوسط
الثانى racer back و دى بتتناسب مع الدعم العالى
حمالة الصدر المغلقة encapsulation bra :
مناسبة لمقاس D و DD و تشبة لحد كبير حمالات الصدر العادية حيث انها تحتوى على اتنين من الاكواب وو بذلك توفر دعم لكل صدر على منفردا
حمالة الصدر المختلطة ( الطاغطه و المغلقة ) comperesion-encapsulation bra :
مناسبة لمقاس C و D لانها بتوفر دعم و حماية اكبر و دى بتكون ميكس بين الاتنين الضاعطه و المغلقة
مع زيادة او نقصان الوزن بينصح بتغيير الحمالة الصدرية
ينصح بتغير الحمالة الصدرية بعد 20 او 40 غسلة او خلال 6 اشهر
فى نهاية الموضوع اتمنى انى اكون اضفت حاجه جديدة طبعا هلاقى كم هبد مرعب و الى هيشوف الموضوع الولاد اكتر من البنات بس مش مشكلة اكيد فى ناس هتستفاد و متنسوش تعملو شير للموضوع و تتابعو البيدج بتاعنا و تعملو لايك كمان متنسوش تعملو subscrib لقناتنا على اليوتيوب و تتابعو صور الابطال بتوعنا على الانستجرام و نشفكو ديما على خير
*حقوق النشر محفوظة لموقع اكوا فتنس و اى اقتباس او تلاعب بمحتوى المقالات المنشورة قد تعرضك للمسائلة القانونية فكن على قدر من الامانة و المسؤلية
اول اكاديميه لياقة بدنيه مخصصه للألعاب المائيه تعمل بشكل علمى محترف بدايه من مرحلة التعليم و حتى مرحلة العالمية اعتمادا على الأعداد طويل المدىانتظروا الافضل....
اشترك بالقائمة البريدية للموقع وتوصل بجديد الاضافات و المواضيع التي يتم طرحها مباشرة على بريدك الإلكتروني
