النهردا و اثناء منا
بذاكر فى دبلومة الفتنس كان لازم اذاكر الجزء بتاع الجرى و كانت اول حاجه فية
ادوات التدريب و اول اداة هيا الكوتشى و بعد ما قريت صعبت عليا نفسى و عرفت سبب
الخشونة الى فشخت ركب شباب مصريين كتار سواء رياضيين او غيرهم و كنت انا واحد من
الضحايا قررت ان لازم اعملكو الموضوع ولازم تنشروة و تحمو ركب الناس و مئات من
المفاصل الى كان ممكن تعانى لو معرفتش المعلومات دى
الجزئية
الاولى قبل ما تشترى كتشى لازم تعرف نوع رجلك عن طريق قياس اسمو ال WET TEST الاختبار دا حضرتك بتحط رجلك فى
مية و بمل تطلعها بتحطها على كرتونة عشان تعرف شكل رجلك هتطلع بالصلى على النبى
حاجه من التلاتة دول ( 1-مسطحة 2-طبيعية 3- الكيرف بتاع رجلك عالى
)
دا
اول حاجه طيب و بعدين نعمل اية تانى يا برنس ؟
تانى
حاجه حضرتك هتلاحظ انتا بتجرى ازاى رجليك خارجة لبرا و انات بتجرى و دا بيسموة (Overpronate )
او
ان رجلك لافة لجوا كدا و قافلة على بعضها و انتا بتجرى و دا بيسموة (Underpronate)
او
انك طبيعى جدا و normal
الخطوة
التالتة صحصح معايا كدا هتقوم تجيب كوتشى قديم من بتوعك و سيبك من الريحة المعفنة
و ركز فى الكلام الى هقولو برا بيروحو لدكتور الطب الرياضى و فى فرنسا بيروحو
لعقبال املتك دكتور بيقولو علية FOOT DOCTOR ملناش طبعا دعوة
احنا بالمحن دا احنا هنفحصو بنفسنا ان شاء الله و زى محنا شايفين بالصلى على النبى
بصوت الشيف شربينى هتبص على بوز الكوتشى لو متاكل من جوا يبقا رجلك بتلف لجوا اكتر
و عملت ضغط شكل احتكاك و الكوتشى تاكل و لو الكوتشى متاكل من بوز الكوتشى من برا
يبقا رجلك بتلف لبرا و انتا بتجرى و ا مهم جدااااا عشان تحدد ال
LAST القالب المناسب بعد ما قسنا و حددنا كل حاجة نخش
على
الخطوة
التانية ما قبل الشراء ؟
قبل
ما تشترى لازم تعرف الكوتشى الى هتلبسو دا بيتكون من اية ؟ 5 اجزاء
1- قالب أو باطن الحذاء.
2- نعل الحذاء الخارجي (Last).
3- نعل الحذاء المتوسط (outsole) .
4- كعب الحذاء (midsoles).
.
5- الجزء العلوي من الحذاء و الجزء الخامس دا بيتكون من شوية
حاجات كدا و الى هيا ( النعل الداخلي القابل للإزالة (Removable innersoles)، مضاد العقب
(Heal Counter) وهو قطعة جلد
قاسية بتبقا أعلى الكعب من الخارج، مثبّتَ العقب (Heal stabilizer) وهو قطعة
بلاستيكية تحيط بأسفل الكعب من الخارج، إطار القدم (Foot frame)، مكان أو صندوق
الأصابع (Toe-box)، إضافة إلى مكان
الخيوط لحد دلوقتى كلو جميل نخش على المهم بقا
عشان
تشترى كوتشى لازم يتوافر فية شوية شروط
CUSHIONING/
STABILITY / DURABILITY / FIT
المتانىة/
الثبات / امتصاص الصدمات / الملائمة و هنشرح واحدة واحدة باختصار
1- امتصاص الصدمات ( Cushioning
):
هنا
بقا لازم اقولكو انو بيعتمد على حاجتين الاولى نعل الحذاء المتوسط (midsole )و اهميتة انو بيمتص الصدمات الى الانسان بيصدرها اثناء الجرى و الى
تقريبا بتساوى صعفين او تلت اضعاف وزنو و بيتصنع النعل دا من مادة البولي يوريثين (Polyurethane ) أو مادة إيفا (Eva ) أو مزيج منهما معاً. امتصاص الصدمات دا بيحافظ جدا على ركبتك و
بيقيك من الاصابة اه كلو الا الركب
الحاجه
التانية يا رجالة الى هيا النعل الداخلي القابل للإزالة (Removable
innersoles) الفرشة بلبلدى وهو اول جزء قابل للتاكل نتيجة للصدمات ولازم يتغير كل 300
كيلو يا رجالة ة الا هتعانى من نار الاصابة المريرة و دا بيكون تقريبا متوسط عمر
الكوتشى
2- الثبات ( Stability ) :
ودا
بيساهم فية بشكل كبير جدا مثبت كعب الحذاء و مضاد الكعب و الاتنين دول بيساهمو
بميزة كبيرة جدا فى الثبات ولازم تشوفهم و تتاكد منهم و مدى ملائمتهم ليك
3- المتانة ( Durability
):
وهي
مهمة النعل الخارجي
(Out sole). و الى فى
الغالب بيكون افوى خاماتو المطاطِ أو البولي يوريثين و الخياطة الموجودة عند
اصابع القدم دا بيديلو مزيد من الدعم و المتانة
4- الملائمة ( Fit ):
و
دا معناه انك مينفعش تلبس كوتشى ديق او دا هيدايقك جدا و يسببلك مشكلة فى صوابع
رجلك قد تؤدى الى تقرحات فى رجلك و كعبك و يمكن اكتر من كدا بتشوهات قوامية كمان
بالاضافة الى انو مع الجرى بيزيد مقاس رجلك نص درجة تقريبا و مينفعش تلبس كوتشى
واسع لان دا بيفقدك الكنرول فى الحركة بتاعتك
الزتونة
بقا و انتا بتشترى
:
1- اشترى الكوتشى اخر النهار لان رجلك الصبح بتكون منكمشة و فى
اصغر حجم ليها
2-اوعى تشترى كوتشى بناء على اسم الماركة فكك كلو اكل عيش و ممكن
كوتشى مش براند اصلا و يكون مناسب ليك
3- لازم تراعى ان لو رجلك مسطحة انك تدور على الكوتشيات الى فيها MOTION
CONTROLL و بالذات السباحين يا رجالة عشان الفلات فوت عند 90 % منهم
4- اوعى تنسى تبدل الفرش بعد 300 كيلو و الكوتشى كلو بعد من 500 ل
800 كيلو
5- لو غاوى جرى او لازم تشترى كوتشيين و دا لية لان الكوتشى
بيحتاج لفترة استشفاء عشان يرجع لوضعو الطبيعى و تقدر تستخدمو تانى و دى بتبقا
بمتوسط يومين يا وحش ودا زى ما صرح الخبرا و الى منهم إنغو فروبوزه
الموظف بالمركز الصحى لجامعة كولن بالمانيا
5- الدبلومة بتقول استشير طبيب رياضى او مختص الاحذية داخل
البراند و الاتنين دول فى مصر ميعرفوش حاجه عند الكوتشى غير ان الشبك بيقطع و بس
6- تصدقو طلعت فى شربات للجرى لازم تلبسها و انتا بتقيس و بتجرى
بس لسة مذكرتهاش الصراحة فمش هكتبكو حاجه عنها
ماذا
لو فكست للكلام دا و نفضتلى اية العواقب و الاصابات :
1- هتصيبك لعنتى لانى سبت المذاكرة و قعدت الخصلك الكلام دا خوفا
منى على صحتك
2- مبدئا هتلبس فى خشونة و دا واقع بيعيشو 90 % من رياضين مصر و
بيبان جدا بعد الاعتزال
3- ممكن الاصابات تطكور لتاكل فى الغضاريف و بالتالى بعد سن ال 45
هندورلك على مفصل صينى صغنن و سعرو حنين
4- الكوتشيات الديقة ممكن تغير شكل رجلك و حجمها و تعملك تشوة فى
صوبعك و بنشوفها كتيييييييييير
5- الكوتشى الديق بيعمل تقرحات فى الصوابع بلالين المية الى
بتتنفخ اما فى صباعك الصغير المسكين او فى كعب رجلك
6- بعض التهابات فى اوتار الركبة و التمزقات و الى السبب فيها
الارتطام مع الارض مع كعب معفن زى كوتشى باتا العريق
اخيرا
شيير فى كل حتة خلينى اخد ثواب اجدع و خلينا نحمى ركب الناس الناس الى بتسرق
البوستات بعد ازنك متعملش دا لانى ضحيت بوقتى و مذاكرتى عشان اعمل كدا حرام عليكو
خايف تسرقو اسمى 🙂 شوفو الصور لانها مهمة بس و اى سؤال هرد علية هاخد نص جنية
هههه حبة استغلال بقااا ههههه لا اسال ببلاش
