بما اننا على مشارف بطولة سباحة يبقا لازم نتكلم عن مشروب الوهم الى بنلاقية في ايد كل واحد في البطولات و كلهم بيحلمو ان الجناحات تخليهم يطيرو فى السباقات و تلاقى كلو بيضرب و العشم قتلة بس جه الوقت اننا نكشف الحقيقة المرة
الأسماء التجارية لمشروبات الطاقة في السوق المصري
١- red pull
٢- power horse
٣-rifle
٤-monster
٥-Rock star
مكونات منتجات الطاقة يعنى سر الخطة او التحبيشة اية هيا يا نجم :
١_ guarana دى نبتة بتطلع فى جنوب أمريكا فيها كافيين اعلى من البن ودا الى لونو احمر فى الصورة
٢_ Acia berry توت اكيا
و دا مضاد أكسدة زى التوت الأسود بيتاخد من نخلة بتطلع فى جنوب أمريكا ودا الى لونو اسود فى الصورة
٣_ الجينسنج عشبة بتستخدم فى الطب التقليدى فى دول شرق اسيا
٤-Yerba mate ودى العشة الخضرا الى فى الصورة و فيها نسبة كافيين عالية جدا
دا غير بقا شوية كرنتين على حبة فيتامين ب١٢ على ال كرنتين
بخصوص بقا منى الطور الى موجود فى ريد بول دا اكبر اشتغالة فى الكام سنة الى فاتو و اشتغالة مقرفة الصراحة الناس الى طلعو الاشاعة دى اعتمدو على ان مادة التورين موجودة فى خصيتى الطور و المنى بس نسيو كمان انهم موجودين فى اللحوم و الاسماك و تحضر صناعيا فدى كانت فتية عالمية انتشرت بقوة لا اساس لها من الصحة
السؤال هنا بقا يا ترى اية أضرارها ؟ بص مش هعقدك يا وحش منك لية
１- تقرحات و التهابات جدار المعدة نتيجة زيادة حمضية المعدة بسبب الكافيين
２- مشاكل القلب و الشرايين نتيحة الارتفاع العالى لضغط الدم و لو انتا مش رياضى و عندك اى مشكلة في القلب ممكن توحشنا للابد
３- طبعا القرق و زيادة التوتر و القلق و السلوك العدوانى
４- طبعا لو واحد سباح مسافات طويلة و شطانو وزو و ضرب مشروب طاقة احب اقولك انك هتتفشخ لانو مدر للبول و هيسببلك جفاف و جفاف يعنى فقد املاح معدنية فقد الاملاح يعمل خل في كهربية العضلة و شد عضلى و وجع قلب
５- انسحاب الكافين بيؤدى الى صداع او صداع نصفى
خلينا نسال هل المكونات زى الكافين او فيتامين ب او الكرياتين مضرة هقولك لا يا وحش طبعا مش مضرة لما تكون في الحدود الطبيعية انما ازيد من الطبيعى هوا الى طبعا مضر
بعد كل دا خلينا نسالك اية رئيك في منتجات الطاقة ؟ ولو ليك تجربة عملية سواء كانت وحشة او حلوة احكيها .
متنساش تعمل شير و تنمنشن زميلك الى بيضرب منتجات طاقة و قولنا بيضرب اية و متنساش تجاوب على السؤال
الناس الى عايزة تنقل البوست خدو شير و بلاش تسرقو البوستات كالعادة عشان سعتها هعمل عليك ريبورت و هدعى عليك دعوة تجيبك الارض حقوق الملكية الفكرية محفوظة ل aqua fitness
