عندنا تحقيق مع المتهم ب 12
اولا يا ب 12 عرفنا بنفسك ؟
انا واحد من الفيتامينات الى بتدوب فى
المية
طيب يا ب 12 بصفتك الاشهر هل ليك
اخوات تانيين ؟
انا واحد من 8 اخوات كلهم من عيلية
فيتامين ب او B بالانجليش .
مين هما اخواتك بقا و اسامى الشهرة
بتاعتهم ؟
الاخ الاول ب 1 الشهير ب الثيامين
الاخ التانى ب2 الشهير ب الريبوفلافين
الاخ التالت ب3 الشهير ب النياسين
الاخ الرابع ب 5 الشهير ب البانتوثنيك
الاخ الخامس ب6 الشهير ب البيريدوكسين
الاخ السادس ب7 الشهير ب البيوتين
الاخ السابع ب9 الشهير ب حمض الفوليك
الاخير و هوا العبد لله انا ب
12 الشهير ب الكوبالامين
طيب يا كابتن ب 12 الاقيك فين يا وحش
؟
لا انا متوافر و الله يا باشا فى
اللبن و الكبدة و السمك و البيض و اللحمه و الفراخ مش هقفرفك و اديقك و اقولك براز
بعض الحيوانات زى الارانب و بيصنعونى من البكتريا هسكت ها هسكت
طيب انتا موجود فى النباتات يا ب 12 ؟
للاسف يا باشا صعب بس دلوقتى بيضيفونى
صناعيا على السريال اللزيز دا الى هوا بالشوفان عشان اعلى قيمتو و سعرو و عشان
الموضه بتاعت اخوتنا النباتيين و اخواتنا المسيحين وقت الصيام بردو
ولا يا ب 12 ما تقولى فيدتك اية فى ام
حياتنا ؟
يا باشا انا مهم جدا و الله
*بدخل فى
عملية تكوين خلايا الدم الحمرا و الحمض النووى
* كمان
بجدد نخاع العظم
* بحسن عمل
الجهاز العصبى
* عندى بقا
وظايف تانية مع الطاقة بعملها جمب اخواتى ال 8 بس معقدة شوية مش هقدر اشرحهالك
قولى يبنى اعراض نقصك عند البشر اية ؟
بص يا باشا
*ضعف عام
*ضعف
العضلات
*الارتباك
الذهنى و ضعف التركيز
*ضعف
بالرؤية
*تنميل و
خدر فى الايدين و الرجلين
*نقص الوزن
و فقدان الشهية
*اصفرار لون
العين
*الرعشة فى
الاطراف مع القيام باى مجهود
*تغيير
المزاج بسرعة
*عدم انتظام
نبضات القلب
*طنين الاذن
*اضطرابات
الامعاء و كثرة الغازات و حجات تانى كتير .....
هل فى تحليل بيعرفنى انك ناقص
فى الجسم يا ب 12 ؟
اه اما انك تعمل تحليل CBC فى المعمل مش
سي بي سي سفرة ههههههه
او انك يا معلم تعمل تحليل فيتامين ب
فى المعمل بردو
طيب
قولى يا معلم مين بيحتاجلك ك ب 12 ؟
كل الناس بس فى ناس بتحتاجنى اكتر
* كبار السن
عشان مشاكل الهضم عندهم بيتقلل امتصاصى
* النباتيين
عشان مش ببقا موجود فى النباتات و المسيحيين عشان الصيام
* الستات
الحوامل
طيب ما تقولى كدا الجرعات يا وحش ؟
2.4 ميكروغرام
للذكور و الإناث أكبر من 14 عاماً.
2.6 ميكروغرام
للنساء الحوامل.
2.8 ميكروغرام للنساء المرضعات.
