السلام عليكم😎
موضوع النهارده باذن الله مهم جدا عشان نفهم ازاى اعمل نظام غذائي عشان اخس او عشان ازيد.
اتكلمنا فى المواضيع اللى فاتت ازاى احسب السعرات اللى جسمى محتاجها
وان الفيصل فى موضوع انى اخس او ازيد هى السعرات.
تعالو نفهم ازاى؟😉
بعد ما حسبت السعرات اللى جسمك محتاجها معدل الحرق الاساسى*معامل النشاط.
هنفترض انههم طلعو 3000 كالورى .
لو اكلت اكتر من 3000 كالورى فى اليوم هتزيد ولو اكلت اقل من 3000 هتخس ولو اكلت ال3000 بالظبت وزنك هيثبت.
طيب ازاى احدد معدل خساره الوزن او الزياده وايه المعدل الصحي؟
المعدل الصحى اللى معظم الناس بترجحه هو نص كيلو فى الاسبوع يبقى النزول بشكل صحى وميحصلش ترهلات فى الجسم وممكن يوصل ل 1 كيلو جرام فى الاسبوع لو عندى سمنه زياده.
طيب وانظمه دكاتره التخسيس اللى بتنزلك 2 و 3 كيلو اسبوعيا ؟😫
دى انظمه مضره وغير صحيه وبتدمر الجسم وهتكلم عن الكراش دايت وامتى نستخدمها بالتفصيل ياذن الله
طيب ازاى احدد مقدار فقد او زياده الوزن؟🤔
1كيلو من وزن الجسم بيساوى تقريبا 7000 كالورى يعنى نص كيلو من وزن الجسم بيساوى 3500 كالورى
هنفترض انى عايز اخس نص كيلو فى الاسبوع يبقى انا محتاج اعمل عجز فى السعرات على مدار الاسبوع بمقدار 3500 كالورى
3500/7=500 كالورى
قسمنا ال 3500 كالورى على 7 ايام ادتنا ناتج 500 كالورى يعنى المفروض اقلل سعراتى اليوميه 500 سعر فهبقى قللت على مدار السبع ايام بتوع الاسبوع 3500
اتعقدتو ولا لسه؟😂
مثال:-
السعرات اللى جسمى محتاجها 3000 كالوري هنقص منها 500 سعر يعنى هاخد يوميا 2500 سعر لمده اسبوع يعنى فى ال 7 ايام قللت 3500 سعر يعنى المفروض فى اخر الاسبوع وزنى ينزل من 400 الى 500 جرام يعنى نص كيلو.
طيب ولو عندى سمنه زياده وعايز اخسر وزن بسرعه لاى سبب ممكن اقلل 1000 سعر فى اليوم يعنى فى الاسبوع هبقى قللت 7000 كالورى يعنى المفروض اخس بعد الاسبوع حوالى 900 :1000 جرام يعنى 1 كيلو من وزن الجسم
طيب لو عايز ازيد ؟🤔
هنعكس الكلام اللى فات لو محتاج 3000 الاف سعر فى اليوم هزود عليهم 500 سعر يعنى فى الاسبوع ابقى زودت 3500 سعر يعنى المفروض فى نهايه الاسبوع وزنى يزيد من 400 : 500 جرام. وهكذا
ملحوظه:-
طبقا لجميع المؤسسات الطبيه والرياضيه مينفعش الرجل يقل عن 1500 سعر حراى فى اليوم والنساء مينفعش تقل عن 1200 سعر حرارى فى اليوم لو قلو عن كده يبقى فى ضرر على الجسم.😣
بعض القواعد اللى المفروض تعملها لما تيجى تصمم لنفسك نظام غذائى
🔰1- الالتزام adherence لازم لما اصمم نظام غذائى اصمم نظام اقدر التزم بيه يعنى مثلا مينفعش اصمم نظام على 5 وجبات وانا ظروفى تسمحلى انى اكل 3 وجبات بس او مثلا احط نوعيه اكل صعب الوصول ليها او سعرها غالى عليا فده هيمنعنى من الالتزام بالنظام.
🔰2- المرونه flexibility لازم النظام اللى هطبقه يبقى فى مرونه تسمح مثلا بانى اغير نوعيه اكل لو مش متوفر او مش قادر اوصله فى يوم وقتلا مسمحليش انى اكل عدد الوجبات فممكن اجمع وجبتين مع بعض نوع اكل معين مبحبوش ممكن اغيره واشوف ليه بديل مش مجبر انى اكله وهكذا.
🔰3- الواقعيه Realistic لازم النظام اللى هطبقه يبقى نظام واقعى ليا او للعميل اللى هطبقله النظام من ناحيه نوعيه الاكل . توقيته . عدد الوجبات .. الخ
🔰4 - اسلوب حياه life style لازم احاول فى النظام اللى هعمله انه يكون اقرب لاسلوب حياه عادى مش مجرد نظام همشى عليه فتره وابطله الا لو كان فى بعض الحالات اللى بيتطبق فيها نظام مثلا زى الكراش دايت ودة بيكون راجع لظروف العميل.
🔰5- البيانات الشخصيه لازم عشان اطبق او احسب اى نظام بدقه لازم ابقى عارف شويه حاجات زى الطول والوزن ومعدل النشاط اليومى والتمرين .. الخ عشان كده بنقول مفيش نظام ينفع لشخصين عشان كل شخص مختلف عن التانى الا فى بعض الحالات.
دى بعض القواعد اللى المفروض تتبعها لما تيجى تطبق اى نظام غذائى
اللى مقرأش المواضيع اللى فاتت عن ازا يحسب سعراته ويعنى ايه سعرات هيلاقى كل المواضيع على هاش تاج
👇
#aqua_fitness_nutrition_ti
دعواتكم❤️
