السلام عليكم
النهارده هنتكلم على اجابه السؤال اللى اتسأل كتير من اول ما بدأنا السلسله.
ازاى احسب سعراتى؟
البوست هيكون طويل شويه معلش فمتزهقوش
اول طريقه لو حد عايز يريح دماغه وخلاص فى برامج كتيرعلى جول بلاى زى my fitnesspal او fit math او body calculator او bodycal او الحاسبه الرياضيه .
ممكن تنزل اى واحد فيهم وهيطلب منك بيانات زي الطول والوزن والسن ومعدل النشاط وهيطلعلك سعراتك.
طريقه مريحه بس مش دقيقه اوى.
الطريقه التانيه
ممكن تروح تعمل inbody وده ميزان بيجيبلك نسبه الدهون والمياه والعضلات..الخ فى الجسم وبيجيبلك حاجه اسمها (bmr) . basal Metabolic Rate
او معدل الحرق الاساسى وخليك فاكر الكلمه دى كويس عشان هنرجعلها
عشان تعمل inbody لازم يكون اصدار الجهاز inbody230 او اعلى لو غير كده متعملهوش يبقى بترمى فلوسك لان الاصدارات اللى قبل كده قراياتها مش دقيقه
عشان مطواش كتير هيبقى فى بوست منفصل عن اللى تعمله قبل ما تروح تعمل inbody
طيب لو مش لاقى الجهاز او مش هعرف اعمله
تقدر تحسبها من المعادله دى
للرجال
10*وزن الجسم+6.25*الطول-5*السن+5
للنساء
10*الوزن+6.25*الطول-5*السن
كده جبنا معدل الحرق الاساسى او ال bmr
د عباره عن السعرات اللى جسمك بيستهلكها فى حاله السكون عشان يقوم بالعمليات الحيويه اللى بتتم جواه زى التنفس وضخ الدم...الخ
يعنى ده مينفعش اعتمد عليه فى عمل نظام غذائي
لازم الاول نجيب حاجه اسمها tdee
Total Daily Energy Expenditure
او الطاقه الكليه اللى بيستهلكها جسمى اثناء اليوم
ودى عباره عن معدل الحرق الاساسى * معدل النشاط
bmr * activity factor
طيب ايه معدل النشاط ؟
ده بيشمل تمرينك ونشاطك اثناء اليوم سواء فى الشغل او فى البيت ..الخ
الكلام ده للناس اللى بتتمرن من 3 ل 6 ايام فى الاسبوع
لو نشاطك قليل مثلااعمال مكتبيه هتضرب فى 1.3
مثلا بتتمشي شويه فى الشغل كمشرف مثلا هتضرب فى 1.6
نشاطك متوسط مثلا زي مندوب مبيعات هتضرب في 1.8
نشيط جدا عامل بناء مثلا او صنايعى هتضرب في 2
مثال بسيط لواحد وزنه 80 كيلو وطوله 170 وسنه 26 سنه
(10*80)+(6.25*170)-(5*26)+
هنفترض ان نشاطه متوسط يبقى
1737.5*1.8 =3127.5
يبقى السعرات اللى الشخص ده محتاجها فى يومه هى 3127.5 سعر حرارى .
طيب لو مش بتحب الحسابات دى وعايز تريح دماغك
هتخش على اللينك ده وتحسبها
http://egyfitness.com/
وحطيت اللينك فى اخر البوست عشان قبل ما تعمل حاجه لازم تكون فاهمها كويس الاول
واسف على الاطاله
ملحوظه مهمه:-
موضوع الحسابات ده للناس الطبيعيه مش اللي وزنها زياده جدا over weight دول يستنو البوست الجاى عشان ليهم حسبه تانيه بس ممكن يعملو inbody عادى لو متاح
المواضيع كلها هتكون تحت هاش تاج
👇
#aqua_fitness_nutrition_ti
واسف على الاطاله والتعقيد😂
دعواتكم
